| 神山之旅 30/6 起程去沙巴了!
到達機場的情況  
睇下神山姑娘等行李個樣, 幾神呀!! 攞完行李, 我地坐車去酒店, 睇下間房先 
放抵行李之後, 等湘薇聯絡好同樣在沙巴旅遊的Billy一家食晚飯！    我地一齊揀海鮮，揀左有魔鬼魚，蟹，蝦，不過因為要行山，唔想腳痛，所以就住食！食完之後，去便利店買了一些上山用的物資，就返酒店休息了！
1/7 一早起身，食過早餐就出發，坐local tour嘅車去神山！   
之後去到一個中途休息站，可以下車休息，在那裡發現了····高鈞的至愛，又或者至愛高鈞的·····   高鈞！送俾你架！哈哈！
休息完, 上車繼續行程! 終於去到神山公園!  
  
這是我們所住的屋, 都幾好架, (比起山上那間, 就真係好太多啦)雖然浴室,洗手間都是公用的, 但乜算是很清潔了! 最特別之處, 就是有一個管理員, 24小時陪著你! 睇睇上面最後一張photo, 就係佢啦!! 因為我們check in的時候, 成間屋只有佢係度, 到我地第二日走時, 佢都仲係度架!! 好明顯, 佢係負責睇實間屋既管理員啦, 仲要係非常盡責, 唔會走左去同隔離屋既管理員傾計!!!!  
 
公園內的植物  
點解我地唔係住呢d屋架, 有落地玻璃架喎!!!  
這棵大樹好高, 好大!! 有幾大? 睇下神山姑娘就知啦, 係唔係覺得原本都好粗下既神山姑娘, 突然之間fit左呢?? 咁就知棵樹幾勁啦!!!  
上面是我地食lunch的餐廳, 下面是dinner的餐廳, 環境好好架, 如果你可以同d蟲蟲特攻隊好好相處的話, 佢地只會圍住你飛, 唔會攻擊你0既!! 如果相處唔黎.....咁就慘啦....  
 
 
dinner之後, 神山姑娘同terry食左一件cheese cake, 之後返去住宿的地方, 梳洗瞓覺, 養足精神, 體力, 準備第二日行山!! 不過這天的天氣其實十分差, 落過幾場大雨, 有紅雨甚至黑雨既程度, 所以我地都擔心第二日上山的天氣, 當晚都特別為第二日上山的行程, 天氣去祈禱!!  
2/7 這天我們要上山了!  感謝神!! 天氣好好, 整個山頂都睇得見!!!!
 
 
我們先在公園辦公室登記, 做登山証, 約好登山領隊, 請埋人幫我地背行李, 之後才去食一個好豐富既早餐 接著就出發了, 乘車去登山的起點!  
 
這是起點!! 大約高1800多米, 這天, 我們要走6公里多的路, 上升至大約3300米的山上小屋!!即是要上大約一個, 加半個多大帽山既高度!! 出發前先影相留念, 唔知回程時齊唔齊人, 因為有傳神山姑娘會藉住這一個好機會, 對肥宇下手........   
  
  
途中有大量不同品種的植物, 圖中只是一少部分, 其中我只識得.......豬籠草....  
   
   
上山的路都是泥路及石路, 仲要好多都是很高的石級, 加上潮濕下雨, 都唔易行架, 特別是對有哈比族身材既湘薇, 實在是非常困難!! 我在湘薇身後行時, 望住佢, 都不得不驚嘆..............咁.......................似哈比人既!!!! 仲有不得不佩服.............哈比人既毅力!!!!  我們的行山導遊及porter, 咪睇porter咁瘦, 佢好勁架, 背住我地0既行李, 成廿幾kg野, 上山落山都如履平地, 氣都唔駛喘下............我地......就咁行, 都喘晒氣!!!
好彩每一公里都有一個地方俾我地休息下  
 
  
我地去到3千多米時, 湘薇開始變身, 成為真正的神山姑娘, 除了行同休息之外......佢開始好靜啦,仲坐在係度俾人係咁影相!!!! 
 
終於見到屋啦!!!!! 我地行左7個鐘...終於到啦!!! Laban Rata, 這是我們在山上的大本營(我地以為), 有餐廳, 有暖氣, 仲有熱水沖涼, 當時我地最想都係沖涼, 休息!!  
有球場喎........上到黎....係唔係仲可以打波呢?定係俾d導遊係度娛樂呢?? 我都唔知.......   
  
入到去Laban Rata, Check in 完, 攞晒鎖匙, 諗住返房放抵d野, 即刻沖涼休息, 點知一問之下..........發現我地住既地方唔係laban rata, 而係仲要行10-15mins既地方.............哇.....死啦, 仲要行?!?! 不過真係好累, 只好係度休息下先, 飲杯熱朱古力, 正正正!! 好抵飲架, 十幾蚊港幣, 有成壺, 飲極都仲有!! 飲完之後, 就行去我地既屋啦!!!  呢句說話講得好!!!
本來行10mins都無乜問題, 不過........原來係好難行既路.........唉.......  
終於到左我地住既地方, 一入到去......神山姑娘眼都突埋......間房裡面有勁多飛行物體, 無暖氣, 洗手間要行出去好遠既地方.......不過都無辦法啦,
係我地以為乜都有者, 唔怪得佢, 乜都有既地方係laban rata, 我地唔係住果度..........點都好, 我都係想沖涼.......放抵d野, 執d衣物, 就出去沖涼!!!
出去之前收到一個消息......terry話.....佢頭先試過d水, 無熱水架!!!! 入到沖涼房.........um.......又係好多蟲蟲特攻隊.....當佢地無到, 只要佢地唔咬我就得啦!!!
除衫開水.....有熱水...........個水龍頭......開左之後 ..等..等...等...諗住等一陣有....不過真係無......都照沖啦, 趁自己仲出緊汗, 雖然得11度, 行熱左個身, 都可以....沖一陣既!! 快速沖完之後, 即刻返房!!!  
 
等埋terry, 差不多6點, 因為餐廳開到7:00, 所以急急腳就行返出去食飯!! 神山姑娘同曉敏寧願唔食飯, 都唔想行返出去, 所以只有我同terry去食, 再攞d野食返去俾佢地兩個食!  
飯後返到去, 較好鬧鐘,聽住mp3就瞓著左了!!! 3/7 1:30起身, 本來計劃好要辦大事, 免得上山頂時有阻滯! 點知一d大事mood都無, 加上大家都起身了(原來大家都瞓唔著, 但係我就好好瞓), 所以都準備上山頂的物資! 2:00導遊就黎到, 2:30出發! 由於夜晚太黑, 加上路很窄, 可以影相的機會不多!!  
  
上山頂路程是2公里半, 上到4000多米, 這段路比起昨天的路更難走, 有不少地方都是十分險峻的, 須要拉著纜索而上, 真的不是行那麼簡單, 而是要爬!!! 再加上空氣比較稀薄, 每行一段路, 都要停一停, 調整一下呼吸!
所以我們行了很長時間(差不多5個多小時)才到達山頂, 除了terry, 由於佢偷食power gel既關係, 勁力十足, 好快就上左去山頂......食西北風!!! 至於我因為要俾個機會神山姑娘可以踢我落山, 所以唔敢超前佢, 只好跟住佢慢慢......爬!! 曾經去到一個到境地, 竟然神山姑娘提出, "不如唔好上啦, 係度睇日出都得啦"
不過導遊先生唔想我地錯過日出, 一手捉住神山姑娘就係咁行, 我差d都追唔上佢地!!!!後來天都光了, 我, 神山姑娘同曉敏都仲未到山頂! 加上又多雲, 所以導遊先生都放慢速度, 等我地慢慢行!!當接近山頂時, 開始遇到已經登上山頂, 正回程下山的人, 他們都說因為太多雲而看不見日出!!!! 因為天光了, 我可以影相!!  
 
 呢張相....有人話似渣古........係唔係呢, 高鈞??
 對比一下先.......咦.....又真係......幾似喎!!!
 爬上呢度, 我地就到架啦!!!!
   終於都到啦!!! 可以休息一陣啦!!! 原來我地唔係最遲一批人, 仲有一批係我地準備下山時才到達!!
|
